Tuesday, 9 April 2013

一票都不能少 ~ 常住上海的马来西亚美罗人

好多人都问我你哋花时间同金钱返来投票,值得吗?一张机票几千蚊,一张选票值得几多啊?我可以好肯定咁回答你。如果可以换政府这张票是无价的。

希望你哋大家都能够出来投票,并鼓励亲朋戚友返来投票,记住,一
票都不能少。




马来西亚美罗人劉益榮:

"各位美罗嘅朋友大家好,我系土生土长既美罗人。离开咗马来西亚15年,宜家常住喺上海,今次返来就是为咗响来临的大选投票。

你哋知道吗?我哋仲有好多响香港,广州,上海,北京甚至乎澳洲,欧洲或者美国嘅马来西亚朋友,都非常关心来届大选,我哋会响来届大选组团,团购机票返来投票,响应网上Jom Balik Undi. 我哋虽然身在异乡,但嗰心无时无刻都担心紧马来西亚的政治情况!

响上海,上海净选盟(Bersih)筹到一啲钱,将会在来届大选赞助,超过60位响中国嘅马来西亚人500人民币,卑佢哋返家乡投票!

上一届选举,我哋丹绒马林国会投票率系71.3%,有38,107个人出来投票,但是我哋Sungkai州议席投票率只有67.5%或者11,677个人出来投票。一直以来我哋华人嘅投票率都系最低,点解?点解我哋选择乜嘢都唔做?保持冷漠事不关己的态度,然后大选结束,政府派嘅糖双倍收番先至响背后一直骂,烂政府!烂政府!烂政府!!!咁是没用的。

唔好忘记我哋先至是政府嘅老板,你哋觉得你呢啲员工做得点样,你仲要续约咩?

好,我哋来评估一下我哋选出来的呢啲员工:
有人,用我哋嘅钱买公寓卑牛住。
有人,用60亿买咗六艘巡逻艇,菲律宾政府用咗RM31,600,000一艘,或者6艘只需要唔到1亿9千万,成58亿唔知去咗边?
有人,将我哋美丽嘅家园当成是有毒废料嘅垃圾桶。大家唔好忘记怡保红泥山当年嘅惨剧。今日澳洲政府唔批准响澳洲开厂嘅Lynas,就响Kuantan开厂生产。
有人,啱啱用不正当手段抢咗霹雳州,就同巴西铁矿巨人淡水河谷公司签约响邦咯岛附近Teluk Rubiah起中转码头,号称会照顾环保,但是宜家对海床嘅破坏,造成渔民嘅收成跌咗60%,好快我哋就无邦咯江鱼仔吃咯。

如果这些我说的你觉得烧不到你,你无所谓,好,马来西亚资源丰富,但点解我哋美罗人咁多喺新加坡,外国打工?再来你满意你周围的治安吗?边一位在场朋友系从来未听过自己嘅亲朋戚友被人抢过架?

既然我哋都唔满意我哋请来嘅员工,宜家你有权利运用你手中呢一票炒佢鱿鱼。
等佢知道两线制的作用。做得唔好,时间到我哋就会将佢换落来。唔好再保持以往一党独大的作风!

有很多人仲是好担心,炒咗员工鱿鱼会乱,老实讲,308嗰晚聽到反对党赢咗五个州,我载咗老婆去槟城投票返来途中都有打电话卑老妈子买哋米来屯!但是过后无事发生。点解?因为我哋马来西亚有超过一半系土著,如果马来人唔想换政府,单凭我哋华人同印度人是无可能发生既!而且民联有三大党,月亮、蓝眼同火箭,互相牵制,无人是一定嘅大佬,就啱啱符合咗,我哋人民先至是老板!所以呢一次大选,我同屋企人讲,无需要担心!

仲有一个我哋成日担心嘅问题,就是回教国,回教法!其实我哋又无作奸犯科,惊乜啊?我记得以前细嗰,住响新村,十字路口朝头早,你华人卖你嘅猪肉,我马来人卖我嘅牛肉。宜家?卖猪肉响巴刹嘅角落头。但是你哋知不知道,响吉兰丹月亮总部,对面就系猪肉档?甘你哋又知不知道,全马来西亚最多,最大,最高嘅佛像都响吉兰丹?槟城几年前为咗观音像,搞到满城风雨,沙巴古达妈祖像等咗成六年都未搞掂!

有人话如果换咗政府,我哋嘅钱未卑佢哋拿晒,到时候剩低一个空壳政府吗?但是唔好忘记只要你嘅公司无倒闭,我哋仲有工做,就有能力缴所得税。再加上我哋国家天然资源丰厚,只要政府不贪污善用呢啲收入,用一句做咗州政府民联领袖讲嘅话:“唔贪污,你先知原来州政府好多钱可以用架!“

所以宜家唯一要记住的"唔要乱,就要换"。来届大选将会是有史以来最肮脏的大选,我哋要怎样卑它干净啲呢?至少我哋做得到就系早点出来投票,叫所有亲朋戚友返来投票。早啲出来投票同埋叫多啲人出来投票,就可以减少幽灵选民嘅影响!

好多人都问我你哋花时间同金钱返来投票,值得吗?一张机票几千蚊,一张选票值得几多啊?我可以好肯定咁回答你。如果可以换政府这张票是无价的。

希望你哋大家都能够出来投票,并鼓励亲朋戚友返来投票,记住,一
票都不能少。"

1 comment:

  1. I admire your conviction. Salute!

    ReplyDelete